Jóhannes Kári Kristinsson

Staða: Augnlæknir

Netfang: johannes@augljos.is

Einn mikilvægasti þáttur laseraðgerðar er sá að hann sé framkvæmdur af sérfræðingi í hornhimnu- og laseraugnlækningum.  Það er talinn gullstandard í slíkum aðgerðum.  Jóhannes Kári Kristinsson framkvæmdi sína fyrstu LASIK-aðgerð í byrjun árs 2000.  Hann útskrifaðist sem læknir frá Háskóla Íslands árið 1996.  Hann lauk doktorsprófi frá læknadeild Háskóla Íslands árið 1996 og fjallaði ritgerð hans um sykursýkisskemmdir í sjónhimnu.  Hann útskrifaðist sem augnlæknir frá augndeild Duke háskólans í Norður-Karólínu árið 2000 og lauk síðan sérnámi í sjónlagsaðgerðum með laser og hornhimnulækningum ári síðar.  Árið 2001 stofnaði hann augnlæknastöðina Sjónlag.  Síðan þá hefur hann framkvæmt um 10.000 laseraðgerðir, auk þess sem hann var fyrstur til að framkvæma innsetningu á ICL-linsu í auga hér á landi árið 2006 og framkvæma krosstengslameðferð (corneal crosslinking) við keiluglæru (keratoconus) árið 2007.  Hann stofnaði einnig gleraugnaverslunina Eyesland, sem hefur valdið byltingu í verðlagningu gleraugna hér á landi. Árið 2012 stofnaði hann Augljós laser augnlækningastöð.  Augljós var fyrst laserstöðva hér á landi til að bjóða upp á algjörlega „hníflausar“ og "snertilausar" laseraðgerðir á augum. Augljós var jafnframt fyrst allra stöðva til að bjóða upp á sérstaka þurraugnaþjónustu, sem er sérhæfð skoðun, greining og meðferð þurra  augna og hvarmabólgu.

Jóhannes er kvæntur Ragnýju Þóru Guðjohnsen, lögfræðingi og doktorsnema í uppeldis- og menntunarfræðum og eiga þau þrjú börn, Jón Magnús (1992) læknanema, Árnýju (1995), læknanema og Margréti (2000), gagnfræðaskólanema.  

Starfsmenn